Saluton!
Jen germanlingva artikolo, kies tradukon mi donas jene, kaj kiu eble helpos (aŭ malhelpos) ies komprenon de ekonomio.
Estas Aŭgusto en malgranda ĉemara urbo, ĉefsezono, sed pluvas kaj la urbo senturistas. Ĉiuj urbanoj havas ŝuldojn. Bonŝance venas riĉa ruso en unu el la urbhoteloj.
La ruso volas ĉambron, surtabligas 500 eŭrojn kaj iras kontroli, ĉu la ĉambro plaĉas al li.
La hotelestro prenas la monon kaj kuras al la buĉisto por senŝuldigi sin.
La buĉisto prenas la 500 eŭrojn kaj kuras al la porkbredisto por senŝuldigi sin.
Tiu kuras kun la 500 eŭroj al la nutraĵliveristo por senŝuldigi sin.
La liveristo donas la monon al la ĉiesulino por senŝuldigi sin.
La ĉiesulino prenas la monon kaj kuras ĉe la hotelestron por forigi siajn horĉambrajn ŝuldojn.
En la sama momento revenas la ruso kaj diras, ke la ĉambro ne plaĉas al li. Li reprenas siajn 500 eŭrojn kaj eliras la urbon.
Do jen la fino de la historio: Neniu gajnis ion, sed ĉiuj senŝuldiĝis kaj subite tutoptimisme antaŭĝojas pri la estonteco.
Dankon. Mi ligis al cxi tiu en La Verda Stelo – http://verdastelo.com
Nu, tiuj stultaj homoj ne bezonis la ruson por konstati, ke ili havas cirklon de egalaj ŝuldoj kaj do povas deklari sin kvitaj. :)
Teorie tio ĝustas! Sed homoj verŝajne ne estas sufiĉe saĝaj por eltrovi tion.
Aŭ sufiĉe saĝaj ne fari tion, darkweasel!
Ja la propono de russ “deklari sin kvitaj” estas nerealigebla sen makleristo. Kio signifas, ke 500 eŭroj nesufiĉos… ;-)
Certe en la realo jes, sed en la realo oni ankaŭ kutime havas ŝuldojn ĉe banko kaj ne unu ĉe la alia …
Hm, la ŝuldoj ĉe banko estas alia okupo.
En malgrandaj urbetoj dum simila situacio reale agas ĝuste tiel – kreditante unu alian ĝis kiam alvenos klientoj. Ja la laboro de ĉiu el ili dependas de la laboro de aliajn!